Amakuru

TUBIBUTSE ADOLPHE NSHIMIRIMANA UWARIWE  Le 21 févr.-08

Banyagihugu bo muma commune y’uburaruko bw’igisagara (Kinama ; Kamenge, Cibitoke na Buterere) nagomba ndabibutse Adolphe Nshimirimana uwariwe :
Niwawundi mwaryamako yugarijwe n’ibinywesi mubiro vya commune Kamenge bigomba kumucisha kuwepfo. Niwe amaze imisi akora ibara muma commune yanyu ; agandagura inzirakarengane ; asahura muma banki ; anyuruza imiduga n’amapikipiki ; abica akongera akabatoteza. Emwe mwaribikiye akaziri ! Ubwobubisha mukubukora akoresha abana banyu ; abanje kubahaza urumogi ; urutuku n’ibindi biyovya bwenge ; impembo abaha n’ukubaha ibikorwa bigayitse bihitana ubuzima bwabo ; akarorero ni Philbert batazira (Wengu) na willy ; biciwe murukonwe i makamba. Hahomvye abavyeyi babibarutse ; we yunguka amararo y’inka ;imiduga ikwegana ; n’amazu agerekeranije.

Uyo mubisha rero mwumva ; aho abonye ifaranga umengo n’Umuha abonye ubwonko. Afadikanije n’abandi ba généraux : Ndayishimiye Evariste na Ntigurigwa Silas ; ntibigera barota ko intambara yohera mugihugu ; kuko bayungukiyemwo vyinshi ; uwoshaka kubimenya yobaza abanyagihugu bo mumicungararo ya RUTANA ; CANKUZO ; MAKAMBA n’ahandi ; aho abo bahemu nadondaguye bakuranwa mur’iyo micungararo mugusahura no kunyaga abanyagihugu : inka ; inkoko ; intungwa n’amafaranga vyabo

Wawundi ngo agatoki kamenyereye gukomba kama gahese murumva ko n’ubu bahanura umukuru w’igihugu gusubiza abahoze k’urugamba mwishamba n’ikimenyamenya baherutse gutanga ibigwanisho mu kamenge no mu kinama ; ababironse barazwi ; ama nama nayo bagirishwa yirirwa aravurwa muma nsamirizi.
Bagenzi twahoranye ku rugamba !vavanura n’abobabisha ; urwo rukundo babakunze ubu amazi abageze mumuhogo n’urwamumpekure. Nyabuna nimwijukire imigambi yo kwiteza imbere. Mwarabashikanye kuvyo barondera nihamwe badashima rero ntibasubire kudushora muntambara kuko nitwe tuhasinzikarira n’imiryango yacu ; tugahembwa kwicwa no kwangazwa ; murabaza MAREGOS na BIENVENU n’ubu baraciruka tutavuze abagandaguwe nawe.