Inyuma y'amezi atandatu ihaciye ari mw'ibohero rikuru rya
Mpimba, Umushingamateka El Hadj Hussein Radjabu yemerewe kuja kwisuzumisha amagara yiwe.
 

Twibuke ko igihe hafungwa uwahora arongoye uBurundi Domitien NDAYIZEYE n'icegera ciwe Alphonse Marie KADEGE, bemerewe gusuzumisha amagara yabo mukiringo c'indw'imwe gusa bafunzwe. Ikintu kitigeze gikorwa kumushingamateka El Hadj Hussein Radjabu, yagumye yimwa agateka kiwe ko kwivuza.Naho yabisavye umwanya muremure abicishije kumushingwamanza wiwe. Ariko Leta yagumye yima amatwi.

Kumunsi wa gatatu igenekerezo rya 24-10-2007 igihe c'isaha zi tatu zo mugitondo, niho umushingamateka El Hadj Hussein Radjabu yashika kuri Laboratoire ya INSP iri muri Komine ya Buyenzi Mu Ntara ya Bujumbura, yaraje kwisuzumisha amagara yiwe.
 

Amakuru ava mubamwegereye, atumenyesha ko azosubira kwisuzumisha vuba,ariko nahonyene ntibizwi ko Leta izongera kumuha ako gateka kiwe.Ivyo bikaba vyashitse mugihe abarundi n'amakungu, n'amashirahamwe y'agateka kazina muntu, abanyamadini, n'amashirahamwe yigenga, atahengeshanya gusemerera ngo ahabwe uburenganzira bwo kwivuza.

Mugabo Leta ikaba itigeze ibimworoherezamwo.
 

Umwanditsi wacu we yishikiye aho kwivuriro rya INSP mu Buyenzi, atumenyesha ko abantu isinzi bari bakikuje iryo vuriro, eka n'abashingamateka n'abakenguzamateka, nabo nyene ntibatanzwe, bari bahishikiye kuza kumushigikira.
 

Nkuko vyama iminsi yose igipolisi c'uburundi, cari casidukanye niyonka kuza kuburaguza abamushigikiye ko bomwibonera. Uziko haciye n'igihe kirekire batamukubita n'ijisho. Aho igipolisi kikaba gifise igikorwa co kubaburabuza no kubakubita gusa.

Burundi Transparence